طريقة عمل كانيلوني بالعيش السورى

المقادير :

عيش سورى

ربع كيلو لحمه مفرومه

بصله مبشوره

فلفل قطع 

حبتين طماطم معصورين

معلقة دقيق 

كوب لبن

جبنه مبشوره

معلقة زبده

ملح - فلفل - بهارات

طريقة التحضير :

نحضر طاسه عالنار ونضيف زبده ونحط البصل المبشور ونقلب لحد مايحمر ونضيف اللحمه المفرومه والفلفل والبهارات ونقلب كويس وبعدها نحط الملح ونقلب ونحط جزء من الصلصه ونقلبه ونضيف الفلفل الرومى ونقلبه كويس وبعد كده نحضر حله ونحط لبن ومعلقة دقيق والملح والفلفل ونقلب كويس ونحطها عالنار ونقلب لحد ماتتقل شوية ونحضر صينيه ونضيف جزء من عصير الطماطم وندهنها بيه ونحضر العيش السورى ونضيف جزء من خليط اللحمه ونلف العيش كويس ونرصه فى الصينيه لحد مانخلص وبعد كده نضيف خليط الكريمه البيضه على الوش وبعد كده نحط نقط بسيطه من الطماطم على الكريمه ونضيف الجبنه المبشوره ونحطها فى الفرن 45 دقيقه بالظبط وناكل بالف هنا https://www.youtube.com/watch?v=SWOqGAv3y98