المقادير :
صدور فراخ مقطعه شرائح رفيع
كوب لبن صغير
نصف كوب خل
معلقة ملح - فلفل - بصل بودر -ثوم بودر
بابريكا بهارات فراخ
بطاطس محمرة
خس-طماطم مقطعه-فلفل مقطع
مقادير الصلصة :
معلقة صلصه
بصل بودر - ثوم بودر
بابريكا زعتر
طريقة التحضير :
نحضر الفراخ ونخلط كل التوابل ونضيفها عالفراخ ونحط الخل واللبن ونقلب كويس ونحطها فى التلاجه تلات ساعات وبعد كده نحضر صينيه ونحط بصله كبيرة كامله ونحط فيها خشبة طويلة ونبتدى نحط الفراخ فوق بعضها ونحطها فى الفرن ونحضر طاسه عالنار ونضيف الصلصة ونحط نص كوب ميه ونقلب ونضيف البصل البودر والثوم البودر والزعتر والبابريكا ونقلب لحد ماتتسبك وننزلها من عالنار
وبعد ماتستوى الفراخ نحضر الساندوتشات نحضر العيش السورى وندهنه بالصلصة ونضيف الخس وشرائح الطماطم واصابع البطاطس وشرائح الشاورما بعد التقطيع وكمان نقطع البصله ونضيف منها فى الساندوتش ونلف الساندوتش ونحضر طاسه عالنار وندهنها زبده ونحط الساندوتش عالجانبين يحمر وناكل بالف هنا
تعليقات
إرسال تعليق