رقاق باللحمه والمشروم طريقه جديده

المقادير :

عشر رقاقات 

نص لحمه مفرومه 

ربع مشروم 

جبنه رومى مبشورة 

بصلتين مبشورين 

معلقتين زبده

معلقة ملح 

معلقة فلفل 

ربع معلقة بهارات 

مرقة 

طريقة التحضير :

نحضر طاسة ونحط الزبده ونضيف البصل ونقلب لحد ماتحمر نضيف اللحمه ونقلب ونضيف الفلفل والبهارات ونقلب ونضيف الملح ونقلب لحد ماتستوى ونحضر طاسه اخرى ونحط الزبده ونضيف المشروم والفلفل والملح ونقلب كويس لحد مايتحمر كويس ونحضر الرقاق والمرقه ونحضر صينيه وندهنها زبده ونبتدى نسقى الرقاق واحده واحده من الجانبين ونحطها فى الصينيه خمس وحدات وبعد كده نوزع اللحمه والمشروم والجبنه عالصينيه كلها ونرجع نسقى باقى الرقاق ونرصه وبعد مانخلص الصينيه نبتدى نسويها على النار من فوق بنحطها بالجنب ونبتدى نلف الصينيه باستمرار عشان نضمن انها بتستوى كلها وبعد كده بنطلعها فلى طبق كبير وندهن الصينيه تانى بالزبده ونحطها على الوش التانى ونكمل سواها بنفس الطرقه وبعد كده نقطعها فى طبق وناكل بالف هنا