سلطة الباذنجان الرومى
المقادير :
باذنجان رومى مقطع مكعبات
طماطم مكعبات
خيار مكعبات
ذرة صفراء
زيت للقلى
خل
ملح - كمون
طريقة التحضير :
نحضر زيت للقلى ونقلى الباذنجان ونصفيه كويس من الزيت ونحضر طبق ونضيف الخيار وبعد كده الذرة وبعده الطماطم ونحط الباذنجان ونضيف ملح وكمون والخل ونقلب كويس وناكل بالف هنا
باذنجان رومى مخلل
المقادير :
باذنجان رومى مقطع حلقات
فلفل احمر مطحون
ثوم مفروم
زيت للقلى
خل
ملح -كمون - شطه
طريقة التحضير :
نحضر زيت للقلى ونقلى الباذنجان الحلقات ونصفيها كويس من الزيت ونحضر طبق ونحط الفلفل المطحون والثوم والملح والكمون والشطه والخل ونقلب كويس وبنحط شويه من الخليط على حلقات الباذنجان ونرصه بطبق وناكل بالف هنا
بابا غنوج
المقادير :
باذنجان رومى
معلقة طحينه كبيرة
خل - ليمون
ملح - كمون
طريقة التحضير :
بنغسل الباذنجان كويس ونحطها على النار تتشوى كويس من كل الجوانب وبعد كده نقشرها كويس ونحطها بالكبه ونحط الطحينه والخل والليمون والملح والكمون ونخلطه كويس بالكبه لحد ماينعم ونحطه بالطبق وناكل بالف هنا
تعليقات
إرسال تعليق