المقادير :
صدرين فراخ مقطعين
نص مكرونه مسلوقه
بصلتين مبشورين
ربع مشروم مقطع
فلفل الوان
كوب دقيق
اتنين كوب لين
اربع ملاعق زبده
بيضه
جبنه رومى مبشوره
ملح
فلفل
طريقة التحضير :
الاول البشاميل نحضر حله عالنار ونحط فيها زبده ونضيف الدقيق ونقلب ونضيف اللبن والملح والفلفل ونستمر بالتقليب جيدا عشان ماتكلكعش مننا لحد ما السومك يتقل شوية ننزلها من عالنار ونستمر بالتقليب جدا لحد ماتبرد خالص ونضيف البيضه ونقلب كويس اوى وبعد كده نحضر الطاسه عالنار ونضيف زبده والبصل المبشور ونقلب لحد مايحمر شويه ونضيف الفراخ والفلفل ونقلب كويس ونضيف كوب ماء صغير ونتركه عالنار لحد مايستوى ونضيف المشروم والملح ونقلب كويس لحد مايتحمر شوية
وبعد كده نضيف الفلفل الالوان ونقلب جيدا وننزلها من على النار ونحضر صينيه نحط نص المكرونه
ونضيف شوية من البشاميل ونضيف شوية من الجبنه المبشورة ونضيف الفراخ بالمشروم ونضيف باقى المكرونه وبعد كده نحط باقى البشاميل ونحط باقى الجبنه الرومى ونحطها بالفرن لحد ماوشها يحمر وتنضج وناكل بالف هنا
تعليقات
إرسال تعليق