مكرونه بشاميل بالبسطرمه والجبن باسهل طريقه وطعم تحفه

المقادير :

نص كيلو مكرونه مسلوقه

ربع بسطرمه

تمن جبنه شيدر

تمن جبنه شيدر او موتزريلا

معلقتين دقيق كبار

كوب لبن كبير

اربع ملاعق زبده كبار

بيضه 

ملح وفلفل

الطريقه :
نسلق المكرونه ونحضر طاسة فيها زبده ونحط البسطرمه ونشوحها ونحضر حلة ونحط زبده تسخن ونضيف الدقيق ونقلبه لحد مايندمج مع الزبده كويس نضيف اللبن والملح والفلفل ونقلب لحد ماتبتدى تتقل ننزلها من على النار ونقلب كويس لحد ماتبرد كويس لازم تبرد خالص ونحط عليها بيضة واحده بس وفلفل ونقلب كويس ونحضر الصينيه نرص نص المكرونه ونحط البسطرمه والجبنه الشيدر ونرص باقية المكرونه ونغطيها كلها بالبشاميل كويس ونغطيها بالجبنه الشيدر او الموتزاريلا او الرومى المتاح ونحطها فى الفرن وناكل بالف هنا